Хэрэв чи үүнийг уншиж байгаа бол сэрчихсэн гэсэн үг. Сэрэхэд чинь тусаж буй нарны гэрэл нь зөөлөн, удаан ярилцсан болохоор, тайван нойртой өнгөрсөн гэж найдаж байна.

Энэ захиа бол миний чамд зориулж буй хамгийн сүүлчийн захиа билээ. Чиний дэргэд чинь байж чадахгүй ч, чин сэтгэлээсээ талархлаа хэлэмээр байна. Чиний хүртэх ёстой үзэсгэлэнтэй байдлаар.

Ямар ч онцгой зүйлгүй мэт санагдах хэр нь үргэлж онцгой мэдрэмж төрүүлдэг байсан, надтай өнгөрөөдөг тэр бүх үдэшүүдэд баярлалаа. Намайг үнэхээр сонсож ойлгохыг хичээдэг байсанд, намайг тухтай, ойлгогдсон хүн мэт мэдрүүлж байсанд баярлалаа. Хамтдаа инээх нь ямар байсан, бас юу ч хэлэлгүй хамт чимээгүй суухад хүртэл тэр байдлийг үгээр дүүргэх шаардлага огт гардаггүй байсан нь хүртэл сайхан дурсамжууд болон надад үлдсэн. Бид бие биеэсээ хүссэн бүхнээ асууж, сэтгэлээ нээж чадсан гэж найдаж байна. Тэр бүх хариултыг би удаан хугацаанд зүрхэндээ хадгалж явах болно.

Надад харамсах зүйл нэг ч байхгүй. Чамд ч бас тийм мэдрэмж төрөөсэй гэж хүсэж байна. Чамайг хайрласан минь миний амьдралдаа хийсэн хамгийн сайхан зүйлсийн нэг байсан. Бидэнд байсан бүхэн жинхэнэ байсан, зөөлөн байсан, бас үнэхээр сайхан байсан. Одоо хүртэл бие биедээ санаа тавьж, эелдэг хандаж, ийм тайван байдлаар салах боломжтой байгаа нь чи ямар сайхан хүн бэ гэдгийг надад хангалттай харууллаа.

Чамайг маш сайхан амьдрал хүлээж байгаа гэдэгт би үнэхээр итгэдэг. Би чимээгүйхэн ч гэсэн үргэлж чиний төлөө баярлаж, дотроосоо дэмжиж явах болно. Өглөө бүр догдлон сэрэх тэр мөчүүдийн чинь төлөө, чамтай учрах азтай хүмүүсийн төлөө, бас өдөр ирэх тусам өөрийн байх ёстой хамгийн сайхан хүн болон өсөж буй чиний төлөө.